ҲАМАС Байденнинг сулҳ режасини рад этди

На ҲАМАС, на Исроил АҚШ президенти режасида кўзда тутилган мажбуриятларни ўз зиммасига олишга тайёр эканлигини расман билдирмади.

Фаластиннинг ҲАМАС ҳаракати АҚШ президенти Жо Байденнинг Ғазо секторида ўт очишни тўхтатиш таклифини рад этди. Бу ҳақда исроиллик расмийларга таяниб Reauters хабар берди.

Ўз навбатида, ҲАМАС вакиллари Жо Байденнинг Ғазо секторида ўт очишни тўхтатиш таклифига «ижобий» жавоб берганликларини маълум қилишди. Байденнинг режаси Исроил билан келишувга эришиш учун «кенг йўл» очади, дейилади ҲАМАС баёнотида.

Аммо Исроил расмийлари ҲАМАС Байденнинг режасини рад этган деб ҳисобламоқда. Исмини ошкор қилмасликни сўраган исроиллик мулозим ҲАМАС Байден режасининг «барча асосий ва энг муҳим шартларини ўзгартирганини», жумладан «гаровга олинганларни озод қилиш таклифини рад этганини» маълум қилган.

ҲАМАС фақат яна бир бор «ўз позициясини тасдиқлаганини» даъво қилмоқда. «Энди тўп Исроил томонида», деган ўз номини сир қолишни истаган Фаластин ҳаракатидаги манба.

Исроил бош вазирининг ташқи сиёсат бўйича маслаҳатчиси Офир Фалк июнь ойи бошида Исроил режанинг асосий қоидаларига рози эканини, бироқ кўп шартларни ҳали қайта ишлаш зарурлигини айтган эди. «Бу унчалик яхши келишув эмас, лекин биз ҳақиқатан ҳам барча гаровга олинганларнинг озод этилишини хоҳлаймиз», деб қўшимча қилди маслаҳатчи.

Нашрнинг қайд қилишича, на ҲАМАС, на Исроил АҚШ президенти режасида кўзда тутилган мажбуриятларни ўз зиммасига олишга тайёр эканлигини билдирмаган.