Туркия президенти Шуша шаҳрига ташриф буюради
![](https://hordiq.uz/wp-content/uploads/2024/07/izobrajenie_2024-07-01_010506674.png)
Туркия президенти Ражаб Тоййиб Эрдўғоннинг жорий йил июль ойидаги дипломатик дастури маълум бўлди.
Маълумотларга кўра, Эрдўған учта йирик халқаро тадбирда иштирок этади.
Хусусан, Туркия президенти 3-4 июль кунлари Қозоғистон пойтахти Остона шаҳрида бўлиб ўтадиган Шанхай ҳамкорлик ташкилотига аъзо давлатлар давлат ва ҳукумат раҳбарлари саммитида иштирок этади.
Бундан ташқари, Эрдўған 6 июль куни Озарбайжоннинг Шуша шаҳрида бўлиб ўтадиган Туркий давлатлар ташкилотининг норасмий саммитида иштирок этади.
Туркия президенти 9-11 июль кунлари Вашингтонда бўлиб ўтадиган НАТО етакчилар саммитида ҳам иштирок этади.