Орбан Зеленскийни Россия билан музокараларни тезлаштириш учун вақтинчалик сулҳ тузишга чақирди
Венгрия бош вазири Виктор Орбан Украинага ташрифи чоғида президент Володимир Зеленскийни вақтинчалик ўт очишни тўхтатиш имконияти ва Россия Федерацияси билан тинчлик музокараларини тезлаштириши мумкин бўлган ҳаракатлар ҳақида ўйлашга чақирди.
Украина президенти девони раҳбари ўринбосари Игор Жовкванинг сўзларига кўра, Зеленский Орбаннинг ўт очишни тўхтатиш ҳақидаги таклифини рад этган.
