Трампдан Қўшма Штатларга ядровий синовларни қайтариш сўралади
Дональд Трампнинг иттифоқчилари Хитой ва Россия Федерацияси ўз арсеналларини кўпайтириш, шунингдек, Эрон ва Шимолий Корея томонидан ядровий дастурларни ривожлантириш фонида Қўшма Штатларга ядровий синовларга қайтишни таклиф қилмоқда.
Ташаббус мухолифларининг айтишича, бундай ҳаракат йирик ядровий давлатлар қарийб 30 йил давомида кузатган синовларга мораторийни тугатиши мумкин, деб ёзади The New York Times.
Трампнинг миллий хавфсизлик бўйича собиқ маслаҳатчиси Роберт O’Браен «Foreign Affairs» журналида ёзган мақоласида, агар республикачи номзод ғалаба қозонса, Қўшма Штатлар «1992 йилдан бери биринчи марта реал шароитларда ишончлилик ва хавфсизлик бўйича янги ядровий қуролларни синовдан ўтказиши керак». Унинг сўзларига кўра, бу «Хитой ва Россиянинг бирлашган ядро арсеналларидан техник ва сон жиҳатдан устунликни сақлаб қолиш учун» зарур.
