Табиий қаҳвадан тайёрланган биринчи қаламлар тақдим этилди
Лос-Анжелесдадаги “Зиробио” стартапи қайта ишланган қаҳва қуйқумидан тайёрланган дунёдаги биринчи механик қалам — “ГРИНД З»ни тақдим этди. Бу ҳақда “hi-tech.mail” нашри хабар берди.
Диаметри 5,6 мм бўлган қалам асоси (грифеллар) барча автоматик қаламларга мос келади. Ҳар бир новда кофе ишлаб чиқариш чиқиндиларидан тайёрланади.
Яъни, кофе қолдиқларига махсус боғловчилар қўшилади, бу кофе зарраларини бир-бирига маҳкам ёпишиб олиш ва қоғозга бир текис суртиш имконини беради.
Унинг таркиби иложи борича содда: 20% қайта ишланган қаҳва ва 80% елим ва мум.
Қалам варақда очиқ жигарранг ранг қолдиради. Турли хил қаттиқлик вариантлари мавжуд. Мисол учун, юмшоқ моделлар соя учун мос келади, чизиш учун эса қаттиқроқ.
Қаламларни пичоқ билан ёки оддий ўткирлаштиргич билан ўткирлаш мумкин. Улар одатий графитдан фарқли ўлароқ, ёзиш пайтида қўлларда из қолдирмайди. Бироқ, қоғоздаги қаҳва изларини ўчириб бўлмайди.
“ГРИНД З” қаламлари рассомлар учун эмас, балки офис ходимлари, мактаб ўқувчилари ва талабалар учун кўпроқ мос келади.
Ёқимли бонус сифатида ишлаб чиқарувчи ёзишда Арабиcа қаҳвасининг ёқимли аччиқ ҳидини кафолатлайди.
