Байден топширган Covid-19 тести ижобий чиқди
АҚШ президенти топширган Covid-19 тести ижобий чиқди. Бу ҳақда Лотин Америкаси ҳуқуқни ҳимоя қилиш ташкилоти (UnidosUS) раҳбари Жанет Мургия маълум қилди. Жо Байден ташкилотнинг конференциясида қатнашиши режалаштирилганди.
«Ҳозиргина президент Байден билан телефонда гаплашдим. У бугунги тадбиримизда қатнаша олмаслигидан чуқур афсусдалигини билдирди. Президент кўплаб тадбирларга борган, унинг навбатдаги Covid тести ижобий чиққан», — деди Мургия.
Оқ уй матбуот котиби Карин Жан-Пьер айтишича, Байден вакцина олган ва унинг касаллиги енгил ўтмоқда.
Жо Байден BET телеканалига берган интервюсида соғлиғида муаммо пайдо бўлган тақдирда иккинчи муддатга ўз лавозимини сақлаб қолиш учун курашишни тўхтатишини айтганди.
