Озарбайжон компанияси Ўзбекистонда 110 кВ кучланишли учта подстанцияни модернизация қилади
“AZENCO” компанияси Фарғона, Хоразм ва Тошкент вилоятларида жойлашган 110 кВ кучланишли «2 А», «Ҳазорасп» ва «Чиноз» подстанцияларини модернизация қилиш бўйича тендерда ғолиб бўлган.
Ушбу учта подстанциянинг тўлиқ модернизация ва реконструкция қилиниши натижасида қарийб 100 МВА (мегаволт ампер) қўшимча қувват яратилади.
Лойиҳа доирасида республика бўйлаб 22 та подстанцияда модернизация ва реконструкция қилиниши режалаштирилган.
