Жанубий Корея яна Кимнинг қизини отасининг вориси деб эълон қилди
Шимолий Корея етакчиси Ким Чен Иннинг қизи Чжу Э республика раҳбарида отасининг ўрнини эгаллашга тайёрланмоқда. Бу ҳақда Yonhup Жанубий Корея разведкасига таяниб хабар бермоқда.
Жанубий Корея миллий разведка агентлиги ҳисоботига кўра, ўтмишда 60 фоиздан кўпроқ ҳолларда Чжу Э отаси билан ҳарбий тадбирларда қатнашган ва «иқтисодий фаолиятда фақат қисман иштирок этган». Шу билан бирга, разведка КХДР етакчисининг вориси ўзгариши мумкинлигини истисно этмайди.
Жанубий Корея расмийлари Ким Чен Иннинг вазни 140 кг, семириб кетган, тана массаси индекси эса 40 га яқин эканлигини даъво қилмоқда.КХДР етакчисида юрак-қон томир касалликлари хавфи юқори. «Фақатгина мавжуд дори-дармонлар билан даволаш қийин бўлган вазиятлар юзага келиши мумкин», дейилади ҳисоботда.
Эслатиб ўтамиз, Чжу Э 2022 йил ноябрь ойида отаси билан тантанали ва ҳарбий тадбирларда мунтазам қатнаша бошлади.
