Пентагон Путиннинг Германияда АҚШ ракеталарини жойлаштиришга муносабати ҳақидаги баёнотига изоҳ бермади
Пентагон Россия етакчиси Владимир Путиннинг Германияда узоқ масофали АҚШ ракеталари пайдо бўлган тақдирда Москва ўрта ва қисқа масофага мўлжалланган зарба берувчи қуролларни жойлаштиришга бир томонлама мораторийни жорий этишни тўхтатиши ҳақидаги баёнотига изоҳ бермади, деб ёзади «ТАСС» .
АҚШ Мудофаа вазирлиги бу ҳақда изоҳ беришга тайёрми, деган саволга ҳарбий департамент вакили: «Йўқ» деб жавоб берди. Америка маъмурияти ва АҚШ Давлат департаменти ушбу мавзу бўйича изоҳ бериш сўровларига жавоб бермади.
