Трамп Харриснинг Путин билан алоқасини эълон қилди
Оқ уйнинг собиқ раҳбари Дональд Трамп вице-президент Камала Харрис Украинадаги уруш бошланишидан уч кун олдин Россия президенти Владимир Путин билан алоқада бўлганини айтди. Бу ҳақда у Fox News телеканалига берган интервьюсида айтиб ўтди.
Трампнинг сўзларига кўра, Харрис Украина билан можаронинг олдини олиш мақсадида Путин билан музокара ўтказиш учун махсус юборилган. Шу билан бирга, АҚШнинг собиқ президенти “бу ўзининг даврида содир бўлмасди”, деб қўшимча қилди.
“У Украинага кирмаслиги учун Путин билан учрашишга юборилган. Бу мен билан содир бўлмаган бўларди. Россия уч кундан кейин кирди ва ҳозиргача давом этмоқда”, — деди у.
Аввалроқ Трамп давлат тўнтариши натижасида Байден президентлик пойгасидан четлаштирилганини айтганди.
