Ҳамма нарса сенга ё менга ёқиш-ёқмаслиги билан ҳал қилинмайди!..
Муллажонов финалга чиқди. Ярим финалда тожикистонлик боксчидан устун келди. Зўр эди, устун келди. Бироқ унинг ютуғи ҳаммага ёқавермаяпти. Муллажонов иккинчи раунддаги нокдаун эвазига ютди, дейишаяпти. Унда ҳеч қанақанги техника йўқ, дейишаяпти. Йўқ, унақа эмас. Муллажоновда бокс учун нимаики керак бўлса, ҳаммаси бор. У рингга чиқдими, ҳозирги тушадиган рақибини эмас, балки кейингисини ўйлайди. Ҳозир шундай йўл тутмаса, финалдаги рақиби ҳамма сирини билиб олади. Сирингни бой бердингми, жангни бой бердинг!..
