Уларнинг натижалари тарихимизда зарҳал ҳарфлар билан муҳрланди – Шавкат Мирзиёев Олимпиада ғолиб ва совриндорларини табриклади
Президент бу ҳақда видеоселектор йиғилиши аввалида айтиб ўтди.
“Токио олимпиадасидан кейин яхши ният билан топ-15 га кирамиз деб, олдимизга катта мақсад қўйган эдик. 208 та давлат вакиллари қатнашган мусобақада спортчиларимиз юксак матонат, маҳорат ва ирода кўрсатиб, дунёда 13-ўрин, Осиёда 4-ўрин, туркий, мусулмон ва МДҲ давлатлари орасида 1-ўринни эгаллади. Бир йўла 3 нафар спортчимиз “икки карра олимпия чемпиони”, деган юксак шарафли номга сазовор бўлди”, дейди президент.
