Ҳафта давомида ҳарорат кўтарилади
Душанбадан бошлаб салқин ҳаво республика ҳудудидан чекина бошлайди. Дам олиш кунларида Ўзбекистон ҳудудига салқин ҳаво кириб келди. Ўтган ҳафтада кузатилган кучли иссиқдан сўнг республика ҳудудининг катта қисмида ҳарорат 8−10 даражагача пасайди.
Ҳафта бошидан ҳаво ҳарорати аста-секин кўтарилади, лекин иш ҳафтасининг охиригача нисбатан қулай бўлади. Кундуз кунлари ҳаво +30…+35 даражагача, баъзи жойларда +37 даражагача исийди.
Ушбу кунларда асосан кам булутли об-ҳаво бўлиши кутилмоқда. Шарқий йўналишдаги шамол 7−12 м/с тезликда эсади, жанубда ва чўл ҳудудларда баъзи жойларда 13−18 м/с гача кучайиши, айрим жойларда чанг-тўзонлар билан кузатилиши мумкин.
Тошкент шаҳрида ҳаво кам булутли бўлади. Шамол 3−8 м/с тезликда эсади. Ҳарорат асосан кечалари +18…+21, кундуз кунлари +32…+35 даража бўлади.
