Ален Делон итлари ёнига дафн этилиши мумкин
Франциялик актёр Ален Делоннинг дафн маросими фақат унинг қариндошлари орасида ташкил этилади, у Души коммунасида итлари ёнига дафн этилиши мумкин, деб хабар беради ТАСС ахборот агентлиги.
Префектура актёрнинг ўлимидан олдин унинг мулкидаги черковда маросимни ўтказишга рухсат берган. Кўчмас мулкка эгалик қилган йиллар давомида Делон кичик ибодатхона яқинига ўзининг 50 га яқин итини дафн этган эди.
Актёрнинг меросхўрлари мухлисларга унинг қабрига текин кириши кафолатланадими ёки йўқми, ҳозирча изоҳ бермади.
Қайд этилишича, Делон ва унинг итлари кулларини муниципал қабристонга олиб кетиш имкониятига эга бўлган, бироқ бундай ҳаракат унинг сўнгги хоҳишига зид бўлган.
Актёр итларга бўлган катта меҳрини изҳор қилган ва 2018 йилда Paris Match журналига берган интервьюсида ўзининг вафотидан сўнг бельгиялик овчарка ити Лубо ёлғиз қолмаслиги учун уни дарҳол ухлатиб қўйиш васиятини қолдирганини айтган эди.
Кейинчалик, баъзи ветеринар шифокорлар оммавий ахборот воситаларидаги изоҳларда бундай ҳаракат ноқонуний бўлишини таъкидладилар.
Шу билан бирга, Делоннинг яқинлари буюк актёр руҳига ҳурмат бажо келтиришни истаган ҳар бир киши иштирок этиши мумкин бўлган видолашув маросимини ўтказиш имкониятини кўриб чиқмоқда. Ален Делон ҳаёти давомида ўзи учун давлат дафн маросимига қарши эди.
