Фарғонада фуқаро пичоқ билан ҳужум қилган профилактика инспектори вафот этди
Кеча соат 20:45ларда Данғара тумани ИИБ профилактика катта инспектори озодликни чеклаш жазосини ўтаётган фуқаронинг уйига бориб, у тартибни бузганини аниқлаган.
Шу вақтда маст ҳолда яшаш хонадонига келган фуқаро ошхона пичоғини инспекторнинг кўкрак қафасига санчган ва воқеа жойидан қочиб кетган.
Афсуски, профилактика инспектори кўрсатилган тиббий ёрдамга қарамасдан шифохонада вафот этган.
Фуқаро ушланган. Унга нисбатан Жиноят кодексининг 97-моддаси 2-қисми билан жиноят иши қўзғатилган.
