Индонезияда Telegram блокланиши мумкин
Индонезия “Телеграм” мессенжерини ва “Биго Live” стриминг иловасини порнографияни тарқатиш ва онлайн қимор ўйинларини тарғиб қилишда иштирок этганликда айблаб блоклашни кўриб чиқмоқда. Бу ҳақда “Жакарта Globe” нашри хабар берди.
Алоқа ва информатика вазири Буди Ариэ Сетиадининг таъкидлашича, вазирлик аллақачон иккала платформага ҳам қаттиқ огоҳлантиришлар берган. Бироқ, “Телеграм” ва “Биго Live”дан олинган жавоблар етарли эмас эди.
“Мен “Биго Live” ва “Телеграм”ни зудлик билан ёпишни маъқул кўраман, лекин жамоа биринчи навбатда кўпроқ тадқиқот ўтказиши керак. Биз жамоамиз томонидан тўпланган далиллар асосида ишлаймиз. Агар биз порнография ёки қимор ўйинлари рекламаси ҳақида далилларни топсак, платформаларни блокировка қилишга киришамиз”, — деди Буди Ариэ.
