Руслар яна иккита ҳудудни эгаллаб олди
Россия ўз қўшинлари Украина шарқида яна иккита аҳоли пунктини эгаллаб олганини маълум қилди.
Россия Мудофаа вазирлиги ўз бўлинмалари Украинанинг асосий логистика маркази Покровскдан 21 км (13 миля) жануби-шарқда жойлашган Птичье шаҳрини эгаллаб олганини ва «душман мудофаасига чуқур кириб боришда» давом этаётганини айтди.
Унда айтилишича, Россия Донецк вилоятидаги яна бир аҳоли пункти Выемкани ҳам эгаллаб олган.
Украина Россиянинг даъволарини тасдиқламади, бироқ Украина бош қўмондони Александр Сирский Украина шарқидаги Россиянинг асосий ҳужум чизиғида вазият «оғир» эканини айтди.
