Европа хавотирда – Эрон яқин кунларда Россияга баллистик ракеталарни топширади
Европа расмийлари Эрон тез орада Россияга баллистик ракеталарни топширишини кутмоқда. Бу ҳақда 2 сентябр, душанба куни манбаларга таяниб, Bloomberg хабар берди.
Эрон Украинага қарши уруш пайтида Россияга юзлаб учувчисиз учоқларни тақдим этган, аммо баллистик ракеталарнинг эҳтимолий узатилиши “ташвишли воқеа бўларди”, деди Bloomberg манбалари.
Манбалар ракеталар тури ёки етказиб бериш ҳажмини айтмаган, аммо улар “бир неча кун ичида” етказилиши мумкинлигини таъкидлаган.
