Трампнинг оиласи унга қилинган суиқасдга муносабат билдирди
Дональд Трампнинг айтишича, унинг рафиқаси унга уюштирилган суиқасдни жонли эфирда кўрган.
Американинг Fox News телеканали Дональд Трампнинг Флоридадаги уйида суҳбатини ёзиб олди. Республикачилар партиясидан президентликка номзод 13 июль куни Пенсилванияда содир этилган суиқасдга оиласи қандай муносабат билдирганлиги ҳақида илк бор гапирди.
Трампнинг сўзларига кўра, ўша пайтда унинг рафиқаси Мелания сайловолди ташвиқоти митингини жонли эфирда телевизор орқали томоша қилган. 20 ёшли Том Метю Крукс Трампга қарата ўт очганида, у ишонолмади.
«У ҳақиқатан ҳам буни жонли кўрган, тасаввур қила оласизми? У ҳали ҳам бу ҳақда гапира олмайди”, деди Трамп ва Крукснинг ўзини «йиртқич ҳайвон» деб атаган.
Дональд Трампнинг ўғли Баррон Трамп отасига суиқасд уюштирилган вақтда теннис ўйнаётган эди.
“У теннисни яхши ўйнайди. Кимдир унинг олдига югуриб келиб: “Баррон! Баррон! Сизнинг отангиз отиб ўлдирилган!»
