Зеленский ўзининг ғалабали режасини ошкор қилди
Украина президенти Владимир Зеленский Украина Курск вилоятидаги босиб олинган ҳудудларни «чексиз» ушлаб туришни режалаштираётганини, чунки бу ҳудудлар унинг «ғалаба режаси»нинг ажралмас қисми эканлигини айтди.
Бу ҳақда Украина президенти NBC News телеканали билан суҳбат чоғида айтиб ўтди. Унга кўра, Киев Владимир Путинни музокара столига ўтиришга уриниш учун август ойида босиб олинган Россия ҳудудларини номаълум муддатга ушлаб туришни режалаштирмоқда. У буни россиялик ҳарбий хизматчиларнинг қўлга олиниши билан қиёслади, бу эса Украина Қуролли кучлари жангчиларини Украинага қайтариш имконини беради. Худди шу тамойил Курск вилоятидаги ҳудудларга ҳам тегишли.
«Бизга уларнинг ерлари керак эмас. Биз у ерга ўзимизнинг украинча турмуш тарзимизни олиб келмоқчи эмасмиз», — деди у.
Шунингдек, у бу режани АҚШ каби халқаро ҳамкорларга тақдим этишини айтди. Бироқ, у Украина Россиянинг яна ҳам кўпроқ ҳудудини эгаллаб олишга ҳаракат қилмоқчими ёки йўқлигини муҳокама қилишдан бош тортди. «Мен сўзламайман, кечирасиз, бу ҳақда гапира олмайман. Бу Курск операциясининг бошланишига ўхшайди. Ҳурмат билан, бу ҳақда гапира олмайман, менимча, муваффақият ажабланиш эффекти билан боғлиқ», — деди у. Зеленский, шунингдек, Байден маъмурияти операция ҳақида билмаганини ва у ҳатто Украина ичида ҳам сир сақланишини таъкидлади.
