Дональд Трамп Россияга қарши санкциялар ҳақида фикр билдирди
АҚШ президентлигига номзоднинг фикрича, Россия, Эрон ва Хитойга қарши иқтисодий санкциялар долларни жаҳон валютаси сифатида “ўлдирмоқда” ва бу “урушда мағлуб бўлиш” билан баробардир. Трамп санаб ўтилган мамлакатларга Америка таъсирини қайтариш учун улардан санкцияларни олиб ташлаш кераклигини айтди.
“Мен санкциялардан фойдаланганман. Санкциялар киритаман ва уларни имкон қадар тезроқ олиб ташлайман. Мен санкциялардан минимал даражада фойдаланмоқчиман”, — дея қўшимча қилди Трамп.
