Трамп АҚШдаги президентлик сайловларидан сўнг порно юлдузга пора бергани бўйича жазога тортилади
Нью-Йорк суди АҚШ президентлигига номзод Дональд Трампга порно актриса Сторми Дэниэлсга пул тўлашда молиявий ҳужжатларни қалбакилаштириш иши бўйича ҳукм чиқаришни 18 сентябрдан 26 ноябрга кўчирди.
Судья Трамп адвокатларининг 5 ноябрга белгиланган президентлик сайловларидан кейин тинглов ўтказиш ҳақидаги илтимосини қаноатлантирди, деб хабар бермоқда NBC.
Май ойида АҚШнинг собиқ президенти молиявий сохталик иши бўйича барча айбловлар бўйича айбдор деб топилган эди. Терговга сабаб The Wall Street Journal нашри 2016 йилда Трампнинг адвокати собиқ порно актриса Сторми Даниэлсга тахминан 10 йил аввал уларнинг муносабатлари ҳақида сукут сақлагани учун 130 минг доллар тўлагани ҳақида эди. Айбловга кўра, Трамп адвокатнинг ҳаражатларини қоплаган ва уларни адвокатлик тўловлари учун тўлов сифатида белгилаган.
Аввалроқ Дональд Трампнинг бошқа иш бўйича ҳимояси у Жо Байден ғалаба қозонган 2020 йилги АҚШ президентлик сайловларига аралашганликда айбланаётган барча айбловларни тан олмаслигини айтган эди.
