Байденнинг рекорд таътили
АҚШ президенти Жо Байден тўрт йилдан камроқ вақт ичида 532 кун таътилда бўлди. Бу ҳақда Нью Йорк Пост нашри хабар берди.
Бу унинг давлат раҳбари сифатида ўтказган 1326 куннинг қарийб 40 фоизини ташкил қилади. Республикачилар миллий қўмитасининг ҳисоб-китобларига кўра, йилига 11 та таътил кунини оладиган ўртача америкалик шунчалик кўп таътил кунларини тўплаш учун тахминан 48 йил керак бўлади.
Таққослаш учун, АҚШнинг собиқ етакчилари Роналд Рейган ва Барак Обама икки президентлик муддатининг атиги 11 фоизида дам олишган. «Америка ва дунё ёнаётган пайтда соҳилда креслога суяниб ухлаб ётган Байденнинг қиёфаси унинг президентлигини белгилайди», деди собиқ президент Доналд Трамп давридаги Оқ уй Буджет бошқармаси бош маслаҳатчиси Марк Паолетта.
