Франция ва Германия Европа Иттифоқини ноқонуний муҳожирларга қарши курашни кучайтиришга чақирди
Франция ички ишлар вазири Жералд Дарманин ва унинг германиялик ҳамкасби Ненси Фесер Европа комиссиясига қўшма мактуб йўллаб , Британия билан ноқонуний миграцияга қарши кураш бўйича музокараларни фаоллаштиришга чақирди. Бу ҳақда РИА Новости АФПга таяниб хабар бермоқда.
Ҳужжатда Париж ва Берлин ноқонуний иммиграцияга қарши курашиш, жумладан, Буюк Британия билан миграция шартномасини тузиш бўйича саъй-ҳаракатларни кучайтириш зарурлигини таъкидлайди .
Вазирлар Буюк Британиянинг Европа Иттифоқидан чиқиши миграция сиёсатининг уйғунлигига салбий таъсир кўрсатганини таъкидлаб, Европа Комиссиясини тезкорлик билан Буюк Британия билан бошпана ва иммиграция масалалари бўйича музокаралар учун мандат лойиҳасини тақдим этишга чақирди.
Дарманен ва Фесернинг фикрича, Буюк Британия томон миграция оқимининг кўпайиши Шенген ҳудудидаги чегарани ноқонуний кесиб ўтишларнинг учдан бир қисмига сабаб бўлмоқда. Буюк Британияда мигрантлар учун ҳуқуқий имкониятларнинг йўқлиги уларни эр ости схемаларига мурожаат қилишга мажбур қилади, бу эса ўз навбатида контрабанда тармоқларининг ривожланишига ёрдам беради.
