АҚШда “Ҳелен” тўфони қурбонлари 130 кишидан ошди

АҚШнинг жануби-Шарқий қисмида “Ҳелен” тўфони қурбонлари сони 130 дан ошди. Ҳозирда АҚШ ҳукумати кучли ёмғирдан кейин электр таъминотини тиклаш ва йўлларни тозалашга ҳаракат қилмоқда.

Пентагон минглаб миллий гвардия жангчиларини, юзлаб тактик транспорт воситаларини ва ўнлаб вертолётларни энг кўп зарар кўрган ҳудудларга юборган.

Оқ уйнинг хабар беришича, АҚШ президенти Жо Байден чоршанба куни бўрондан зарар кўрган Шимолий Каролинага ташриф буюришни режалаштирмоқда.