950 млн сўмлик қадимий олтин тангаларнинг ноқонуний савдоси тўхтатилди
ДХХ ва божхона ходимлари ўтказган тадбирда, 100 дона олтин тангани $67 мингга сотишга уринган шахслар қўлга олинди.
Қўлга олинган шахслардан яна 37 дона танга топилди. Экспертиза натижасига кўра, тангаларнинг умумий оғирлиги 776 грамм бўлиб, улар тарихий ва маданий аҳамиятга эга. Улар 950 млн. сўмга баҳоланган.
Улар тангаларни Қирғизистоннинг Ўш вилоятида сотмоқчи бўлишган. Ҳозирда уларга нисбатан жиноят иши қўзғатилган.
