Суданда бортида россияликлар бўлган юк самолёти уриб туширилди
Бу ҳақда Россиянинг Судандаги элчихонасига асосланиб, «ТАСС” агентлиги хабар бермоқда. Ҳозирда элчихона ходимлари воқеа тафсилотларини аниқлаштиришмоқда.
Фуқаролар уруши давом этаётган Судандаги жангларни кузатувчи Sudan War Monitor лойиҳасига кўра, ушбу самолёт «Тезкор жавоб кучлари” ҳарбийлаштирилган гуруҳи учун юк олиб кетаётган бўлган. Самолёт ушбу гуруҳ жангчилари томонидан хатолик туфайли уриб туширилган.
«Самолёт экипаж аъзоларидан бири Россия фуқароси бўлиши мумкин», деб ёзади Sudan War Monitor ҳаво кемаси қулаган жойдан олинган кадрларга таяниб.
