Руандада асосан Марбург вируси тиббиёт ходимларида аниқланмоқда
Руандада Марбург вирусига чалинганларнинг 80 фоизини касаллар билан алоқада бўлган тиббиёт ходимлари ташкил этмоқда. Бу ҳақда Жаҳон соғлиқни сақлаш ташкилоти (ЖССТ) ҳисоботида сўз боради.
Ҳисоботга кўра, мамлакатда 27 сентябрдан бери 62 кишида касаллик қайд этилган бўлиб, уларнинг 15 нафари вафот этган, қолганлар соғайиб кетган. Шу билан бирга, касалликка чалинганларнинг 80 фоиздан ортиғини мамлакат пойтахти Кигалидаги иккита шифохонанинг тиббиёт ходимлари ташкил этган.
ЖССТ ҳамон Марбург вирусининг Руандада тарқалиш хавфини «жуда юқори» деб баҳоламоқда, аммо глобал хатар даражаси пастлигича қоляпти.
