Путин ён босмайди
Украинадаги «можаро»нинг ҳар қандай натижаси Россия фойдасига ва жанг майдонидаги воқеликларга асосланиши керак, деди Россия президенти Владимир Путин Олга Скабеева билан суҳбатда.
«Ҳар қандай натижа Россия фойдасига бўлиши керак, мен ҳеч қандай тортинмасдан тўғрисини айтяпман. Ва жанг майдонида юзага келган воқеликдан келиб чиқиши керак,» – деди Россия президенти.
Россия ва Украина нимадир бўйича келишиб олиши мумкин, дейишга ҳали эрта, Москва ва Киев ўртасида мазмунли музокаралар йўқ, деди Путин. «Ҳозир тафсилотларга тўхталишни истамайман, чунки мазмунли музокаралар йўқ, қарши томон эса бундан бош тортмоқда», деди у.
