Олти карра Олимпиада чемпиони Крис Хой саратонга чалинди
Велоспорт бўйича 6 карра Олимпиада чемпиони Крис Хой простата саратонининг сўнги босқичини ўтказмоқда. Бу ҳақда “Тhe Times“ нашри хабар берди.
“Биз барчамиз туғилганмиз ва ўламиз. Бу жараённинг бир қисми, холос“, деган 48 ёшли атлет.
У шифокорларга бироз узоқроқ яшашга ёрдам берадиган дори-дармонларни ёзиб бергани учун миннатдорчилик билдирди.
2023 йил сентябрь ойида Хой елкасидаги оғриқ туфайли шифокорга борган. Ташхис вақтида унда шиш борлиги аниқланган.
Хой Олимпия ўйинларида олтита олтин ва битта кумуш медалга, шунингдек, жаҳон чемпионатларида 11 та ғалабага эга. У 2009 йилда рицар унвонига лойиқ топилган.
Маълумот учун, шу йилнинг 26 август куни футбол бўйича Англия терма жамоасининг собиқ бош мураббийи Свен-Йоран Эрикссон саратон касаллигидан вафот этган эди.
