Россия Тожикистонга ноқонуний юрган 120 минг кишининг рўйхатини берди
Ушбу Тожикистон фуқаролари қисқа вақт ичида ўз ихтиёри билан Россияни тарк этиши керак. Агар полиция текшируви вақтида бу ҳолат аниқланса, улар суд орқали мажбурий чиқариб юборилади. Бунда уларга жарима қўлланилади ва улар Хорижликларни вақтинча сақлаш марказига жойлаштирилади.
Россияда қолишга қонуний асоси бор, лекин ушбу рўйхатга хатолик билан тушиб қолганлар ўзларининг ҳуқуқий мақомини тўғрилаш учун Россия ИИВ “Паспорт-виза хизмати” (ПВС) ёки миграция марказларига мурожаат қилиши керак.
2025 йилнинг феврал ойидан бошлаб Россияда ноқонуний юрган хорижликларга “режим высилки” тартиби қўлланила бошлайди. Бунда полиция ноқонуний мигрантларни суд қарорисиз 48 соат ичида мамлакатдан чиқариб юбориш ҳуқуқига эга бўлади.
