Яман қуролли кучлари Араб денгизида дронлар ва баллистик ракеталар ёрдамида АҚШнинг “Авраам Линколн” авиаташувчи кемасига ҳужум уюштирганини эълон қилди
Шунингдек, Қизил денгизда 8 соат давом этган ва нишонга олинган иккита Америка эсминецига ҳам ҳужум бўлган.
Яман ҳарбийлари бу орқали АҚШ томонидан кутилаётган ҳаво ҳужумининг олдини олган.
Улар Қизил денгиздаги кескинликнинг кучайишида АҚШ ва Буюк Британияни айблаб, бу давлатлар юк ташиш тизими учун салбий оқибатларни келиб чиқараётганликларини қайд этдилар.
Яман ҳарбий амалиётлар Ғазо ва Ливанга қарши тажовуз тугамагунча ва Ғазодаги блокада олиб ташланмагунча давом этишини маълум қилди.
