АҚШ Сенати Берни Сандерснинг Исроилга қурол сотишни тўхтатиш ташаббусига овоз беради
АҚШ Сенати сенатор Берни Сандерснинг Исроилга қурол сотишни тўхтатиш ташаббуси бўйича овоз беришга тайёрланмоқда. Гап Пентагоннинг яна 20 миллиард долларлик қурол-яроғ, жумладан, танк снарядлари, миномёт снарядлари, F-15IA қирувчи самолётлари ва JDAM тизимларини жўнатиши билан боғлиқ.
Қўшма норозилик резолюциялари деб номланувчи ташаббусни сенаторлар Берни Сандерс, Питер Уелч, Жефф Меркли ва Браян Счатз қўллаб-қувватламоқда. Улар Исроил томонидан Ғазо ва Ливанда инсон ҳуқуқлари поймол қилингани ҳақидаги даъволар туфайли қурол-яроғ узатишни тўхтатишга чақирмоқда.
The Washington Post газетасига интервю берган сенатор Сандерс шундай деди: «Биз бу даҳшатли ва ноқонуний ваҳшийликларга шерикмиз. Бизнинг шериклигимиз тугаши керак».
100 дан ортиқ ташкилот бу ташаббусни қўллаб-қувватлаб, сенаторларни бўлажак қурол-яроғ таъминотини блоклашга чақирди.
Сенатдаги овоз бериш Исроилга қурол сотишни тўхтатиш бўйича биринчи йирик овоз бериш бўлади.
