ЮНРВА бош котиби: Ғазо болалар қабристонига айланди
Исроил Ғазо секторида босқинчилик ва қирғинбарот урушини бошлаганига 412 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
Босқинчилар Байт-Лахия, Шайх Радван, Хон Юнис ва Рафаҳга ҳужум қилишди. Уруш бошланганидан бери 43 985 киши ҳалок бўлган.
Ўша кечаси фашистлар иккита қирғин қилди. Камал Адван касалхонаси яқинидаги Байт Лаҳия шаҳридаги турар-жой ҳудудига зарба берилди, 66 киши ҳалок бўлди, Шайх Радвандаги Ал-Аруқийлар оиласининг уйи бомбардимон қилинди, 22 киши ҳалок бўлди. Иккала қирғин қурбонларининг аксарияти болалар ва аёллар эди.
Ал-Қассам бригадалари Бейт-Лахияда «Меркава» танки ва «Юнитан» бронетранспортёрини йўқ қилди, Нитцарим ўқида босқинчилар гуруҳи йўқ қилинди.
Хитой раҳбари Си Цзиньпин: Ғазо секторида ўт очишни тўхтатишга чақираман. Ҳозирги вазиятда БРИКС мамлакатлари адолат ва тинчлик овози сифатида ҳаракат қилишлари ниҳоятда зарурдир.
ЮНРВА бош котиби: Ғазо болалар қабристонига айланди. Ғазо болалари ўлдирилмоқда, яраланмоқда, қочишга мажбур бўлмоқда, хавфсизлик ва таълимдан маҳрум бўлмоқда.
«Ҳизбуллоҳ» Наҳариядаги 146-дивизия, Аккадаги Шарага ва Аелет базаларига ҳужум қилди.
Босқинчилар Ливан жанубидаги Хиам шаҳрига 12 марта ҳужум уюштирди, ҳозирда босқинчилар билан тўқнашувлар давом этмоқда. Тирга ҳужум қилинди.
Сурия Мудофаа вазирлиги: Исроил Ҳомс вилоятидаги Палмира шаҳрига зарбалар берди. 36 киши ҳалок бўлди, 50 дан ортиқ киши яраланди.
