Трамп Суриядаги ҳарбий ҳаракатлар ҳақида фикр билдирди
Трамп Truth Social ижтимоий тармоғида Сурия президенти Башар Асадга қарши курашаётган гуруҳлар томонидан «кутилмаган ҳужум» бошлангани ҳақида ёзди. Унинг фикрича, Асадга мухолиф бўлган кучлар «унинг ҳокимиятини ағдариш учун катта қадам» ташлаган.
Трампнинг айтишича, Россия Украинадаги уруш сабаб Суриядаги ҳужумни тўхтата олмайди, чунки «у ерда 600 мингдан ортиқ аскар йўқотган». Шу билан бирга, у Суриянинг АҚШ учун аҳамиятсиз эканлигини таъкидлаб, бундай вазиятларга аралашишдан бош тортишни таклиф қилган. «Бу бизнинг жанг майдонимиз эмас. Ҳаммаси ўз йўли билан кетаверсин. Аралашманг!» — деб ёзган у.
