Туркия Президенти Сурия халқига мурожаат қилди
Туркия Президенти вазирлар маҳкамаси йиғилишидан сўнг Сурия халқига мурожаат қилди:
⭕️ Мен Сурия халқига шу ердан мурожаат қилмоқчиман. Азиз суриялик биродарларим, Туркия ва турк халқи кечагидек бугун ҳам, эртага ҳам сизлар билан.
⭕️ Барча имконсизликларга қарамай, қонингиз, ҳаётингиз билан достон ёздингиз. Ҳеч қачон зулм ва золимларга бош эгмадингиз. Ҳатто энг қийин дамларда ҳам умидсизликка берилмадингиз.
⭕️ Биринчи кунданоқ сиз: «Аллоҳ буюкдир», деб айтдингиз. У раҳмон ва раҳмлидир, дедингиз. У оламларнинг Роббидир, дедингиз. Сиз фақат Унга ишондингиз. Фақат Ундан ёрдам сўрадингиз.
⭕️ Сизни юртим ва халқим номидан ҳурмат билан табриклайман.
⭕️ Эркинлик ва адолат йўлидаги курашингизда сизни ёлғиз қолдирмаганимиздек, тараққиёт йўлидаги курашингизда ҳам сизни бор кучимиз билан қўллаб-қувватлаймиз деган умиддаман.
⭕️ Қийинчиликларни биргаликда енгамиз.
⭕️ Суриянинг озод қилинган шаҳарларида узоқ йиллардан сўнг ўз уйи, оиласи, яқинлари билан учрашиш бахтини ҳис қилиб, хурсандчиликдан кўз ёшларини тўкиб, дуо қилиб, тиз чўкиб, шукроналик қилаётган биродарларимга салом йўллайман.
