Исроил Дублиндаги элчихонасини ёпди

«Ирландия Исроил билан муносабатларда барча қизил чизиқларни кесиб ўтди», — деди Исроил ТИВ Гидеон Саар Ирландия элчихонаси ёпилганини эълон қилар экан.

Ўтган ҳафта Ирландия ҳукумати бир йил аввал Халқаро Жиноий судга тақдим этилган Ғазо секторида фаластинликларга қарши геноцид учун Исроилга қарши Жанубий Африка Республикаси томонидан киритилган даъвога қўшилишини маълум қилган эди. Ирландия суддан давлат томонидан содир этилган геноцид нима эканини талқин қилишни кенгайтиришни сўрамоқда.

2024 йил май ойида Исроил ўз элчисини Ирландиядан чақириб олганди, чунки бу давлат Норвегия ва Испания билан биргаликда Фаластин мустақиллигини тан олганини эълон қилди. Шу билан бирга, Ирландия элчиси Исроилда ишлашда давом этади.