Винисиус Жуниорга АПЛ гранди харидор
Англиянинг «Манчестер Сити» клуби Мадриднинг «Реал» клубининг бразилиялик вингери Винисиус Жуниорга жиддий қизиқиш билдирмоқда, деб хабар беради Испаниянинг «El Gol Digital» нашри.
Манбага кўра, «шаҳарликлар» 24 ёшли футболчи учун рекорд миқдорда пул тўлашга, шунингдек, футболчига шартнома имзолагани учун космик бонус – 50 миллион евро беришга тайёр.
Эслатиб ўтамиз, ҳозирги трансфер рекорди Неймарга тегишли бўлиб, у 2017 йилда «Барселона»дан 222 миллион евро эвазига «ПСЖ»га ўтган эди.
2024/25 йилги мавсумда Винисиус Жуниор клуб миқёсида 20 та ўйин ўтказиб, 13 та гол урди ва 9 та голга ассистентлик қилди.
