Кураш Ислом Бирдамлик ўйинлари 2025 дастурига киритилди

Албаниянинг Тирана шаҳрида Ислом бирдамлиги спорт ассоциацияси (ISSA)нинг 13-Бош ассамблеяси ўтказилди.

Жаҳон спортинг энг нуфузли спорт ташкилотларидан бири ҳисобланган ISSAнинг йиғилишида Халқаро Кураш ассоциацияси Президенти Ҳайдар Фармон ҳам иштирок этди. Ушбу ассамблея давомида у ISSA Президенти шаҳзода Абдулазиз Бин Турки Ал-Файсал ва Бош котиб жаноб Носир Мажали билан музокаралар олиб борди.

Музокараларда ISSA Президенти Кураш исломий қадриятларга мос энг олийжаноб спорт тури эканлигини эътироф этди. Кураш Ислом Бирдамлик ўйинларининг бир қисмига айланганлигини мамнуният билан эълон қилди.