Трамп АҚШ ҳудудини кенгайтирмоқчими?
АҚШнинг сайланган президенти Дональд Трамп Қўшма Штатларнинг Панамадаги элчиси лавозимига Кевин Марино Кабрера номзодини илгари сурди, деб ёзмоқда “CNN”.
– Кабрера АҚШнинг Панама Республикасидаги элчиси бўлиб хизмат қилишини маълум қилишдан мамнунман, – деди Трамп ўз баёнотида. – У мамлакатимиз манфаатларини ифодаловчи “фантастик” ишни бажаришига ишончим комил.
Кеча Трамп ижтимоий тармоқлардаги постларида АҚШ ҳудудининг кенгайишини яна бир бор тилга олиб, Панама каналининг юритаётган сиёсатини танқид қилди.
Унинг Панама каналини назоратга олиш чақириғи сув йўлидан ўтадиган Америка кемалари учун тўловлар қимматлашиб кетгани сабабли янгради. Бироз аввал, Трамп Канадани АҚШнинг 51-штатига айлантириш ҳақида ғайриоддий гаплар айтган эди.
