АҚШ ва Британия Яманга ҳаво ҳужумларини бошлади
АҚШ ва Британия ҳарбий-ҳаво кучлари Яман шимолидаги Сада шаҳрига учта зарба берди. Бу ҳақда Эрон томонидан қўллаб-қувватланадиган Ансоруллоҳ (Хутийлар) ҳаракати билан алоқадор «Ал-Масира» телеканали хабар берди.
Қурбонлар ҳақида маълумотлар йўқ.
АҚШ ва Буюк Британия хабарга ҳозирча изоҳ бермади.
Саудия Арабистони билан чегарада жойлашган Сада шаҳри ҳутийларнинг энг муҳим марказларидан бири сифатида танилган.
