Дунёдаги энг кекса аёл вафот этди

Япониянинг энг кекса фуқароси ва дунёдаги энг кекса инсон Томико Итоока 116 ёшида вафот этди. Итоока 2019 йилдан буён яшаган Асия шаҳридаги қариялар уйи вакили Кёдо агентлигига ўлим табиий сабабларга кўра содир бўлганини маълум қилди.

Томико Итоока 1908 йил май ойида Япониянинг Осака шаҳрида туғилган. 20 ёшида аёл турмушга чиққан, унинг тўртта фарзанди бўлган. Томико Итоока 1979 йилда 71 ёшида бева қолган, аммо фаол турмуш тарзини давом эттирган ва спорт билан шуғулланган.

Томико Итоока 2024 йил сентябрь ойида Ер сайёрасининг энг кекса фуқароси ва дунёда яшовчи одамларнинг энг кексаси деб тан олинган. Ўша пайтда у 116 ёшу 116 кунлик эди. Унгача испаниялик Мария Браняс Морера Ер юзидаги энг кекса одам ҳисобланган. У 2024 йил август ойида 117 ёшу 169 кунлигида вафот этган.