Украина Россиянинг навбатдаги дрон ҳужумини барбод қилди
Украина ҳаво кучлари хабар беришича, тунги тўлқинли ҳужум пайтида учирилган 110 та рус дронидан 78 таси ҳаво мудофааси томонидан йўқ қилинган.
«Ҳаво ҳужуми Украина Ҳаво кучлари ва Мудофаа кучларининг авиация, зенит-ракета қўшинлари, электрон уруш бўлинмалари ҳамда кўчма ўт очиш гуруҳлари томонидан қайтарилди,» дея маълум қилинган Telegram мессенжеридаги баёнотда.
Шунингдек, дрон қолдиқлари Украинанинг марказий, шимолий ва жануби-шарқий ҳудудларидаги тўрт вилоятда бир қанча тижорат ва турар-жой биноларига шикаст етказгани айтилган.
Россия одатда Эрондан олинган Shahed дронлари билан тонг палласида ҳужумлар уюштиради.
