Сурия ташқи ишлар вазири Туркияга ташриф буюради
Ташқи ишлар вазири Асаад Ҳасан ал-Шибоний бошчилигидаги Сурия янги маъмурияти делегацияси 15 январь куни Туркияга ташриф буюради.
Бу ҳақда Туркия ташқи ишлар вазирлиги маълум қилди.
Аввалроқ ал-Шибоний Анқарага режалаштирилган биринчи расмий ташриф ҳақида маълум қилганди.
«Туркия ташқи ишлар вазири Ҳоқон Фидан, Миллий мудофаа вазири Ясар Гюлер ва Миллий разведка ташкилоти раҳбари Иброҳим Калин ташриф давомида суриялик ҳамкасблари билан учрашади”, — дейилади Туркия вазирлиги баёнотида.
