Гутерриш Трампнинг инаугурациясида қатнашмоқчи эмас

БМТ Бош котиби Антониу Гутерриш АҚШнинг сайланган президенти Доналд Трампнинг инаугурация маросимида қатнашишни режалаштирмаётгани маълум бўлди. Бу ҳақда жаҳон ташкилоти раҳбари расмий вакилининг ўринбосари Фархон Ҳақ журналистлар учун ўтказилган брифингда ТАСС мухбирининг саволига жавоб бериб айтди.

«АҚШ президентларининг инаугурациясида қатнашиш бош котиблар учун анъанага айланган амалиёт эмас. Илгари шундай бўлмаган ва бу сафар ҳам бўлмайди,» – деди у тегишли саволга жавоб бериб.

Трампнинг инаугурация маросими 20 январга белгиланган. Трамп 2024 йил 5 ноябрда бўлиб ўтган президентлик сайловларида АҚШ витсе-президенти, демократлар номзоди Камала Ҳаррисни ортда қолдириб, ғалаба қозонди.