Кремль Трамп жамоаси ишга тушишини хотиржам кутмоқда
Россия президенти ёрдамчиси Юрий Ушаков Кремлнинг АҚШнинг сайланган президенти Доналд Трамп жамоаси ўз лавозимларини эгаллаши ва ишни бошлашини хотиржам кутаётганини таъкидлади. Бу ҳақда у ВГТРК журналисти Павел Зарубинга маълум қилди. Суҳбат парчаси Телеграм-каналида эълон қилинди.
«Мен Москвада ўтириб, Вашингтондан телефон қўнғироғи келишини сабрсизлик билан кутаётгандек таассурот уйғонишини истамайман,» деди Ушаков, Россия ва АҚШ раҳбарлари учрашувига тайёргарлик жадал олиб борилаётгани ҳақидаги Америка манбаларининг маълумотларига изоҳ берар экан. «Йўқ, биз Трамп жамоаси ўз ўринларини эгаллаши ва Трампнинг Овал хонага киришини хотиржамлик билан кутмоқдамиз. Шундан сўнг нима бўлишини кўрамиз,» дея қўшимча қилди Россия давлат раҳбари ёрдамчиси.
Унинг айтишича, ҳозирча АҚШнинг сайланган президентининг бўлажак маъмурияти билан Владимир Путин ва Доналд Трампнинг учрашувини ташкил этиш бўйича ҳеч қандай алоқалар ўрнатилмаган. У бундай учрашувга тайёргарлик кўриш бўйича ҳозир бирор алоқа борми, деган саволга жавобан: «Йўқ, ҳозирча йўқ,» деб жавоб берди.
