Путин Трампни президент лавозимига киришиши муносабати билан табриклади

Россия президенти Владимир Путин Дональд Трампни президент лавозимига киришиши муносабати билан табриклади ва мулоқотга тайёрлигини билдирди.

У Москва ҳеч қачон Вашингтон билан мулоқотдан, жумладан «Украина можароси» бўйича мулоқотдан бош тортмаганини қўшимча қилган.

РФ президентининг сўзларига кўра, ҳозирда асосийси — Украинадаги «инқирознинг бирламчи сабабларини йўқ қилиш» ва «қисқа муддатли сулҳ»га эмас, балки «бу минтақада яшовчи барча одамлар, барча халқларнинг қонуний манфаатларини ҳурмат қилишга асосланган узоқ муддатли тинчликка эришиш»дир.