Кремль Вашингтондаги авиакатастрофа туфайли таъзия изҳор этди
Кремль, Вашингтонда кечқурун юз берган авиакатастрофада ҳалок бўлганларнинг оила аъзолари ва яқинларига таъзия изҳор этди. Бу ҳақда Россия президенти матбуот котиби Дмитрий Песков журналистларга маълум қилди.
«Вашингтондан ёмон хабарлар келмоқда. Биз ҳалок бўлганларнинг оила аъзолари ва яқинларига ҳамда бу фожиада ҳалок бўлган ватандошларимизга чуқур таъзия билдирамиз», — деди Песков, унинг сўзларини россиялик оммавий ахборот воситалари келтирмоқда.
Кремль вакили шунингдек, ҳозирда юқори даражадаги алоқалар режалаштирилмаганлигини таъкидлади. Хусусан, Песков Россия президенти Владимир Путин авиакатастрофа билан боғлиқ равишда ўзининг америкалик ҳамкасби билан таъзия алмашиш ниятида эмаслигини айтди.
29 январь куни Вашингтоннинг Роналд Рейган номидаги аэропорти яқинида ҳаво ҳудудида йўловчи самолёти ва ҳарбий вертолёт тўқнашди. Америcан Аирлинес авиакомпаниясининг самолётида 60 нафар йўловчи ва 4 нафар экипаж аъзоси, вертолётда эса 3 ҳарбий бўлган. Тўқнашувдан сўнг самолёт Потомак дарёсига қулаб тушди. Америкалик оммавий ахборот воситаларига кўра, ҳозиргача омон қолганлар ҳақида ҳеч қандай маълумот йўқ.
