Россия ҳукумати бензин экспортига чекловни узайтирди

Россия ҳукумати бензин экспортига чекловни 28 февралгача узайтириш қарорини қабул қилди. Бу ҳақда вице-президент Александр Новакнинг котибиятидан журналистларга маълум қилинди.

2024 йил ноябрь ойининг охирида Россия ҳукумати бензин экспортига бўлган вақтинчалик чекловни 2025 йил 31 январгача узайтирган эди.

Ҳужжатда шундай дейилган эди: «Чеклов нефть маҳсулотларини тўғридан-тўғри ишлаб чиқарувчилар томонидан амалга ошириладиган етказиб беришларга татбиқ этилмайди».

Ҳукуматда айтишларича, «қарор ички ёқилғи бозори барқарорлигини сақлаб қолиш, нефтни қайта ишлаш иқтисодиётини қўллаб-қувватлаш, шунингдек, автомобиль бензинининг сохта экспортига қарши курашиш учун қабул қилинган».

Россияда бензин нархлари дрон ҳужумлари ва, айниқса, қишлоқ хўжалиги соҳасидаги талабнинг ортиши фонида ўсди.