Туркиянинг яширин марваридлари
Шарқий Онадўли минтақаси турли хил манзара ва табиатнинг жозибадор уйғунлиги, бой тарихи ва самимий меҳмондўстлиги, тик водийларидан тортиб ажойиб меъморий мўъжизаларигача ва антик археологик масканлари билан дунё нигоҳидадир.
Малатядаги Арслантепе очиқ осмон остидаги музей: Малатя шарқий Туркия саёҳатимизнинг дарвозаси бўлиб, ўзининг мазали ўриклари ва тарихий диққатга сазовор жойлари билан машҳурдир. Шаҳарнинг 8000 йиллик Арслантепе археологик ёдгорлиги – давлат жамияти пайдо бўлган монументал ҳудуди чинакам тарихсевар сайёҳларнинг энг севимли масканига айланди. Ушбу ҳудуд ЮНEСКО Жаҳон мероси объекти бўлиб, Онадўлидаги ривожланган бюрократияга эга биринчи шаҳар-давлати билан барчани ўзига жалб қилмоқда.
Элазиғдаги Ҳарпут қалъаси: Элазиғ шаҳридаги Ҳарпут қалъаси тарихий саёҳатнинг кейинги бекатидир. Милоддан аввалги VIII асрда Урартулар томонидан қурилган қалъа кўплаб маданиятларга хизмат қилган ва турли урф-одатлар ва эътиқодларга гувоҳ бўлганлиги унинг меъморчилигида яққол намоён бўлади. Қалъа тепаликда жойлашган бўлиб, шаҳарнинг ажойиб панорамали кўринишини тақдим этади.
Тунжелидаги Мунзур водийси миллий боғи: Тунжели ўсимлик ва ҳайвонот дунёси жиҳатидан Онадўлининг энг бой табиий ҳудудларидан биридир. Мунзур водийси миллий боғига қадам қўйган вақтингиздан бошлаб сизни ёввойи табиат ва табиатнинг ўзига хос мислсиз уйғунлиги ўраб олади. Ушбу мавсумда парк ўрмонлар, музли кўллар, канёнлар ва шаршаралар билан ҳайратланарли манзараларни тақдим этади. Бу ер нақ табиатдаги “жаннат”нинг бир бўлагидир!
Эрзинжондаги Кемалие: Фурот дарёси қирғоғида жойлашган Эрзинжоннинг Cиттаслоw шаҳри Кемалие табиат ва тарих бир-бирини мукаммал тарзда тўлдирадиган ноёб ҳудуддир. Шаҳарнинг тарихий тош уйлари, ёғоч балконлари ва ўзига хос эшик тутқичлари Онадўли меъморий меросини намойиш этса, Карасу шаршараси ва мафтункор Каранлик канёни каби табиат мўъжизалари эса унинг жозибасини оширади. Маданий ва табиий ресурсларга эга бўлган Кемалие ЮНЕСКОнинг Жаҳон мероси тахминий рўйхатида ва БМТнинг энг яхши туризм қишлоғини ривожлантириш дастури учун танланган. Бу тинч дам олиш бўлсин, хоҳ маданий шўнғиш, хоҳ табиатга саёҳат бўладими, Кемалие барчада бетакрор тажрибалар қолдириши шубҳасиздир!
Ардахондаги Чилдир кўли: Чилдир нафақат Ардахонда, балки минтақадаги энг катта чучук сувли кўлдир. Карс ва Ардахон вилоятлари ўртасида жойлашган Чилдир кўли қиш фаслида музлаб қолади ва чана учиш, музда балиқ овлаш, велосипедда ёки биллур юзасида сайр қилиш қишнинг қаҳратонини илиқ хотираларга айлантиради. Кавказ халқ рақслари томошалари ва кўл бўйидаги ёғоч уйларда камин ёнида нонушта қилиш бир умрга ўчмас хотиралар бахш этади.
Карсдаги Ани археологик ҳудуди: Шарқий Онадўлидаги энг катта археологик ҳудудлардан Ани кўлнинг жанубида, Карс чегарасида жойлашган. Илк насронийлик даврининг энг муҳим жойларидан бири бўлган Ани 1001 черковлар шаҳри сифатида танилган. Мазкур ҳудуд ЮНEСКО мероси объекти бўлиб, кўп маданиятли Ипак йўлининг аҳоли пунктига айланди. Бугунги кунда қизил тош бинолар ҳудуддаги улкан қўриқчилар каби ўтириб, ўрта аср урбанизми ҳақида тушунча беради.
